Թուրքական Cihan լրատվական գործակալության փոխանցմամբ՝ Սիրիան հունիսի 22-ին Միջերկրական ծովի «միջազգային ջրերում» թուրքական F-4 ինքնաթիռի կործանումից հետո գնացել է հերթական «սադրիչ» քայլին:
Թուրքական լրատվամիջոցը պնդում է, որ Սիրիան հիմա էլ Թուրքիայի հետ սահմանին՝ Այն էլ Արաբ գյուղաքաղաքի մոտ գտնվող բարձունքի վրա, տեղակայել է Թուրքիայում ահաբեկչական հռչակված ու արգելված Քրդստանի աշխատավորական կուսակցության (PKK) դրոշը: 15 մետրանոց այդ դրոշը պարզ երևում է Շանլըուրֆայի շրջանից:
Թուրքական լրատվամիջոցն ուշադրություն է հրավիրում այն բանի վրա, որ PKK-ի այդ դրոշից 200 մետր հեռավորության վրա ընկած բարձունքի վրա էլ կանգնեցված է Սիրիայի պետական դրոշը:
