111 տարի անց գիտականորեն ապացուցվել է Զիգմունդ Ֆրեյդի լեզվի սայթաքման տեսությունը:
Mail Online-ը գրում է, որ նոր ուսումնասիրությունը բացահայտել է, թե ինչպես այն թեորիան, որը կազմում է հոգեվերլուծության հիմքի մի մասը, կապված է անհանգստության խանգարումներ ու ֆոբիաներ ունեցող մարդկանց գիտակից ախտանշանների հետ:
Տարիներ շարունակ մարդիկ այնպիսի սխալները, ինչպիսին են, օրինակ, զուգըներոջը սխալ անունով կոչելը, անվանել են «ֆրեյդյան լեզվի սայթաքում»: Ենթադրվում է, որ նման սխալների պատճառը հիմնականում ենթագիտակցական մտքերը կամ զգացմունքներն են, որոնք մարդկանց գործողությունների պատճառ են հանդիսանում:
Ֆրեյդի տեսության համաձայն՝ գիտակից միտքը պարունակում է այն ամենը, ինչի մասին մարդիկ տեղյակ են: Ենթագիտակցականը զգացմունքներն են, մտքերը, հիշողությունները, որոնց մասին մարդիկ անտեղյակ են: Հաճախ դրանք տհաճ են կամ անընդունելի, ինչպես ցավը, անհանգստությունը, և այդ պատճառով դրանք ճնշվում են:
Բայց ենթագիտակցականը շարունակում է ազդել մեր գործողությունների վրա, չնայած մենք չգիտենք դրա ազդեցության մասին: Ֆրեյդն ասում էր, որ այդ դեպքում բախում է տեղի ունենում գիտակցականի ու ենթագիտակցականի միջև:
Հետազոտողներն ապացուցելու համար այս տեսությունն ուսումնասիրություն են կատարել անհանգստության հետ կապված խանգարումներ ունեցող 11 մարդկանց շրջանում՝ տեսնելու համար, թե ինչպես ենթագիտակցական բախումներն անկարող են անհանգստության պատճառ դառնալ:
