Հունաստանի խորհրդարանական արտահերթ ընտրությունների նախօրեին հույները զանգվածաբար հանում են գումարներն իրենց բանկային հաշիվներից, հաղորդում է Reuters-ը:
Խանութների տերերը՝ սկսած փոքր կրպակներից մինչև խոշոր սուպերմարկետներ, երկար պահվող ապրանքների պահանջարկի աճ են գրանցում:
Գործակալության աղբյուրի համաձայն՝ օրական բանկային հաշիվներից հանվում է մինչև 800 մլն եվրո գումար: Ֆինանսական հաստատություններում դա բացատրում են այն հանգամանքով, որ հասարակ քաղաքացիները ցանկանում են ապահովագրել իրենց, եթե հանկարծ իշխանության գան ձախ կուսակցությունները, և նրանց ղեկավարությամբ երկիրը դուրս գա ԵՄ-ից ու վերադառնա դրահմային:
Հունաստանի հասարակության տարբեր խավերի շրջանում անցկացված սոցիոլոգիական վերջին հարցումները ցույց են տվել, որ Նոր դեմոկրատական կուսակցության պահպանողականները, որոնք հանդես են գալիս պետական տնտեսության փրկության հաստատված ծրագրի օգտին, ձեռք ձեռքի տված են գնում ՍԻՐԻԶԱ կոալիցիայի ձախծայրահեղականների հետ, որոնք մտադիր են հրաժարվել այն իրականցնելուց: Նշենք, որ ծրագրով նախատեսվում է Հունաստանին տրամադրել 130 մլրդ եվրո, որի դիմաց կառավարությունը կտրուկ պետք է նվազեցնի բյուջետային ծախսերը:
