«Տիտանիկ» նավի խորտակման 100-ամյակը մոտենում է, և պարզ է, որ դրա շուրջ պետք է մեծ աղմուկ բարձրանար: Ինչպես հայտնի է, վերջերս Ջեյմս Քամերոնը վերաթողարկել է իր «Տիտանիկ» ֆիլմի 3D տարբերակը, որն արդեն իսկ մեծ հետաքրքրություն է առաջացրել, սակայն «Տիտանիկի» առավել խենթ երկրպագուները պատրաստ են անգամ գնալ ողբերգության հետքերով:
Pop Blend-ը հաղորդում է, որ Անգլիայում պատրաստվում են 12 օր տևող նավարկության, որի ընթացքում Տիտանիկի երկրպագուները կկրկնեն աշխարհահռչակ նավի ճանապարհորդությունը:
Նավարկությունը հնարավորինս նմանեցված կլինի հենց 1912 թվականի նավարկությանը: Նույնը կլինեն նաև ճաշատեսակները, երաժշտությունը, միջոցառումները:
Associated press-ը հաղորդում է, որ ճանապարհորդությունը բավական մեծ նշանակություն կունենա այն ուղևորների համար, ովքեր «Տիտանիկի» ողբերգության զոհերի բարեկամներն են կամ ընտանիքի անդամները:
Ուղևորությունը, սակայն, էժան չէ: Նոր «Տիտանիկի» ուղևորության տոմսերն արժեն 4445 դոլարից մինչև 9520 դոլար:
