Մարդկանց մեծ մասը հավատացած է, որ կյանքը կարող է մղձավանջի վերածվել, եթե անխախտ 8 ժամ չքնեն, բայց քնի փորձագետները վիճում են այս հարցի շուրջ:
Պատմաբան Ռոջեր Էկիրչը վերջին 16 տարիների ընթացքում ուսումնասիրել է քնի հետ կապված հարցերը և մի շարք ապացույցներ ներկայացրել, որ քունը ընդհատելը կատարելապես նորմալ է: Ի դեպ, մի փորձագետ ենթադրում է, որ դա նույնիսկ կարող է օգնել կարգավորելու լարվածությունը:
Երազահոգեբան Գրեյգ Ջեյկոբսը BBC World ծառայության հետ բանավեճի ժամանակ ասել է, որ գիշերվա ընթացքում արթնանալը նորմալ մարդու ֆիզիոլոգիական վիճակ է:
Հնում մարդիկ նույնիսկ սովոր էին արթնանալ գիշերային հատուկ ժամերին՝ աղոթելու, ծխելու և անգամ հարևաններին հյուր գնալու համար:
