Հունգարիայի խորհրդարանն ընդունել է սահմանադրական փոփոխությունները, ըստ որի նույն անձին արգելվում է երկու ժամկետից ավելի զբաղեցնել վարչապետի պաշտոնը։
Այսպիսով, նոր կառավարող «Տիսա» կուսակցությունը կատարել է իր առաջնորդ Պետեր Մադյարի խոստումն այն մասին, որ Վիկտոր Օրբանն այլևս չի լինի վարչապետ։
Վիկտոր Օրբանը Հունգարիան ղեկավարել է 16 տարի, մինչև Պետեր Մադյարի «Տիսա» կուսակցությունը ապրիլյան խորհրդարանական ընտրություններում հաղթեց նրան՝ երկու երրորդի մեծամասնություն ստանալով։
Համաձայն ընդունված փոփոխության՝ հունգարացի որևէ քաղաքական գործիչ չի կարողանա զբաղեցնել վարչապետի պաշտոնը խորհրդարանի երկու գումարումից ավելի, նույնիսկ եթե կառավարության ղեկավարի պաշտոնում նրա ժամկետները հաջորդական չեն եղել։
Այժմ փոփոխություններն ուժի մեջ մտնելու համար անհրաժեշտ է միայն նախագահ Տամաշ Շույոկի ստորագրությունը։
Այս փոփոխության ընդունումը նշանակում է, որ Պետեր Մադյարը նույնպես կկարողանա պաշտոնավարել որպես վարչապետ միայն մինչև 2034 թվականը, նույնիսկ եթե իր կուսակցության հետ հաղթի թե՛ երկրորդ, թե՛ երրորդ հերթական ընտրություններում։ Նա վարչապետի պաշտոնը ստանձնել է մայիսին։
