ԱՄՆ նախագահը հայտարարել է, որ չեղարկել է Իրանի դեմ այս երեկոյան նախատեսված հարվածներն ու ռմբակոծությունները՝ նշելով, որ Թեհրանի հետ քննարկումները ներկայացվել և հավանության են արժանացել Իրանի բարձրագույն ղեկավարության կողմից։
Նրա խոսքով՝ վերջնական պայմանավորվածությունները համաձայնեցվել են գործընթացում ներգրավված բոլոր կողմերի հետ, այդ թվում՝ ԱՄՆ-ի, Իսրայելի, Սաուդյան Արաբիայի, ԱՄԷ-ի, Կատարի, Թուրքիայի, Պակիստանի, Բահրեյնի, Քուվեյթի, Հորդանանի և Եգիպտոսի։
Միաժամանակ՝ ԱՄՆ նախագահը նշել է, որ Իրանի նկատմամբ սահմանված ծովային շրջափակումը կմնա ուժի մեջ մինչև համաձայնագրի վերջնական ստորագրումը։ Ստորագրման ժամանակն ու վայրը, նրա խոսքով, կհայտարարվեն առաջիկայում։
