Հայկական Կարմիր խաչի ընկերությունն ու ՄԱԿ Փախստականների հարցերով գերագույն հանձնակատարի գրասենյակը մայիսի 20-ին Գորիսում և Եղեգնաձորում կազմակերպել էին «Հաղորդակցման ռիսկեր՝ աղետների և զանգվածային ներհոսքի ժամանակ» թեմայով քննարկումներ, որոնց նպատակը արտակարգ իրավիճակներում բնակիչների հաղորդակցական կարողությունները բարձրացնելն ու պետական և տեղական ինքնակառավարման մարմինների պատրաստվածությունն ամրապնդելն է։
Փրկարար ծառայողները ներկայացրել են «Բնական և տեխնածին աղետների պատրաստվածություն» թեման՝ անդրադառնալով վարքականոններին ու արձագանքման մեխանիզմներին։
Միգրացիայի և քաղաքացիության ծառայության աշխատակիցներն անդրադարձել են միգրացիոն գործընթացներին և հնարավոր ներհոսքերի կառավարման մոտեցումներին։ Ներկայացվել են սցենարային իրավիճակներ, քննարկվել լուծումների տարբերակներ։
Քննարկվել է նաև համայնքներին բնորոշ ռիսկերի շրջանակը․ առանձնակի ուշադրություն է դարձվել այդ համատեքստում արտակարգ իրավիճակների կառավարման առանձնահատկություններին։ ՆԳՆ աշխատակիցները կիսվել են իրենց փորձով, նաև պատասխանել մասնակիցների հարցերին։
Միջոցառումներն իրականացվել են «Հարկադիր ներհոսքի իրավիճակների պատրաստվածություն և արձագանք» ծրագրի շրջանակում։
