Ադրբեջանում 4 մարդ, որոնցից մեկը զինվորական է, ձերբակալվել է պետական դավաճանության մեղադրանքով։ Նրանք լրտեսության միջոցով օգնել են օտարերկրյա հատուկ ծառայությունների ներկայացուցիչներին, հայտնում են ադրբեջանական լրատվամիջոցները։
Հաղորդագրության համաձայն՝ քրեական գործի նյութերը, որի նախնական քննությունն ավարտել է Պետական անվտանգության ծառայությունը (ՊԱԾ), ուղարկվել են Բաքվի ռազմական դատարան։ Տեղեկատվության համաձայն՝ մեղադրյալներ Իլքին Գանբարովը և Վուսալ Աղաևը որոշ ժամանակ առաջ ձերբակալվել են և բերման ենթարկվել քննության։ Նշվում է, որ Վիսալ Աղաևը զինվորական է։
Օպերատիվ միջոցառումների ընթացքում մեղադրյալներից մեկը՝ Թուրալ Ալիևը, ձերբակալվել է Հորդանանում, իսկ Մամեդ Շարիֆովը՝ Թուրքիայում, երկուսն էլ արդեն հանձնվել են Ադրբեջանին։ Նշված անձանց մեղադրանք է առաջադրվել Ադրբեջանի քրեական օրենսգրքի 274-րդ հոդվածով (պետական դավաճանություն)։
Հոդվածը նախատեսում է պատիժ՝ 12-20 տարի ազատազրկման կամ, կախված գործի հանգամանքներից, ցմահ ազատազրկման տեսքով։
