Այսօր՝ սեպտեմբերի 29-ին, խոշոր ու ողբերգական ավտովթար է տեղի ունեցել Կոտայքի մարզում։ Ժամը 07։40-ի սահմաններում Աշտարակ-Նոր Գեղի ավտոճանապարհի 7-րդ կմ հատվածում բախվել են Կոտայքի մարզի բնակիչներ 36-ամյա Վիգեն Մ․-ի վարած «Նիսան X-Տրայլ» մակնիշի և 53-ամյա Համլետ Հ-ի վարած, խճաքարով բարձված «Հովո» մակնիշի բեռնատարը։
Այս մասին գրում է shamshyan.com-ը:
Բախման հետևանքով ավտոմեքենաները դուրս են եկել երթևեկելի գոտուց, բախվել ճանապարհով անցնող գազատար խողովակներին, «Հովո»-ն՝ կողաշրջված, իսկ «Նիսանը»-ը՝ 2 մասի բաժանված վիճակում, հայտնվել են ձորակում։
Վթարի հետևանքով «Նիսան»-ի վարորդը տեղում մահացել է։ Փրկարարները մահացածի մարմինը հայտնաբերել են ավտոմեքենայից դուրս։
Ըստ աղբյուրի՝ նախնական տեղեկություններով՝ մահացածը ՀՀ ՊՆ X զորամասի ծառայող է։
