Ուկրաինայի արտաքին գործերի նախարարությունը անբարյացակամ քայլ է անվանել Հայաստանի, Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի ղեկավարների մասնակցությունը Հայրենական մեծ պատերազմում հաղթանակի 78-րդ տարեդարձի կապակցությամբ Մոսկվայում կայանալիք տոնակատարություններին, այս մասին գրում է «ՏԱՍՍ»-ը:
«Այս օտարերկրյա պետությունների ղեկավարների մասնակցությունը հրապարակային միջոցառմանը մենք համարում ենք անբարոյական և ոչ բարեկամական քայլ Ուկրաինայի նկատմամբ, ուկրաինացի ժողովրդի հանդեպ արհամարհանքի դրսևորում»,- ասված է ԱԳՆ հայտարարության մեջ։
Աղբյուրն ընդգծում է, որ Ուկրաինայի ԱԳՆ-ի այտարարության մեջ չի նշվում Բելառուսի նախագահ Ալեքսանդր Լուկաշենկոյի մասին, որը նույնպես մասնակցել է Մոսկվայի տոնակատարություններին։
