«Լատվիան, Լիտվան և Էստոնիան որոշել են մինչև 2025-ը անջատվել ռուսական էլեկտրացանցից և սինխրոնիզացվել եվրոպականի հետ», – հաղորդում է լատվիական LSM ռադիո և հեռուստահարթակը։ Բալթյան երկրները, Լեհաստանը և Եվրահանձնաժողովը 2018թ․ համաձայնագիր են ստորագրել՝ համաժամեցնելու Լիտվան, Լատվիան և Էստոնիան եվրոպական էլեկտրացանցերի հետ։ Մինչև 2025-ը երեք երկրներ պետք է դուրս գան BRELL էներգետիկ օղակից (Բելառուս, Ռուսաստան, Էստոնիա, Լատվիա, Լիտվա) և միանան եվրոպական էներգահամակարգին։ Համաձայնագիրը հնարավորություն էր տալիս այդ երկրներին՝ էներգետիկ անկախություն ստանալ ՌԴ-ից։
Հարթակի տվյալներով՝ Լատվիայի Էկոնոմիկայի նախարարը աջակցություն է խնդրել Եվրամիությունից՝ ռուսական էլեկտրամատակարարումը դադարեցնելու որոշումը արագացնելու համար։ Լատվիայի Էկոնոմիկայի նախարարության խորհրդարանական քարտուղարի խոսքերով՝ լրացուցիչ միջոցներ կպահանջվեն վաղաժամկետ անջատման համար, սակայն, նույնիսկ այժմ, նման միջոցը կապահովի էլեկտրամատակարարման ավելի բարձր անվտանգություն։
