Վրաստանում այսօր՝ հոկտեմբերի 30-ին տեղի է ունենում տեղական ինքնակառավարման մարմինների ընտրությունների երկրորդ փուլը։
Ընտրատեղամասերը բացվել են ժամը 07:00-ին, իսկ քվեարկության ընթացակարգը սկսվել է 08:00-ին:
Երկրորդ փուլում քաղաքապետեր են ընտրվելու 5 քաղաքներում։ 24 ընտրատարածքներում ընտրվելու են մունիցիպալ ժողովների (սակրեբուլոյի) 42 մեծամասնական անդամներ։
Ինչպես գիտենք, մունիցիպալիտետներում քաղաքապետերի ընտրության համար կա 50 տոկոս, իսկ Սակրեբուլոյի մեծամասնության անդամների ընտրության համար՝ 40 տոկոս: Հենց սա՝ հաշվի առնելով հոկտեմբերի 2-ին մի շարք քաղաքներում ու ընտրատարածքներում կայացած ընտրությունների արդյունքները, անհրաժեշտություն առաջացրեց անցկացնել երկրորդ փուլ։
Ընտրությունների երկրորդ փուլին հիմնականում մասնակցում են «Վրացական երազանք»-ի և «Ազգային շարժում»-ի թեկնածուները։ Երկրորդ փուլում ամենաշատ ձայներ հավաքած թեկնածուն կհամարվի ընտրված։
