Գեղարքունիքի մարզի Ծովինար համայնքի բնակիչները հետևում են պարետատան ցուցումներին և պահում են կարանտինային ռեժիմը։ «Առաջին լրատվական»-ի հետ զրույցում համայնքի բնակիչները վստահեցրին, որ զանգվածային միջոցառումներ համայնքում չեն կազմակերպվում՝ անգամ բարեկամների ու հարևանների հոգեհանգստի արարողություններին չեն մասնակցում։ Ասում են՝ թեև կորոնավիրուսով վարակվելուց չեն վախենում, սակայն անհանգստություն, այդուհանդերձ, ունեն։
Արտակարգ դրության պայմաններում կառավարության աշխատանքից ծովինարցիները գոհ են, իրականացվող սոցիալ-տնտեսական ծրագրերն էլ դրական են գնահատում, բայց միևնույն ժամանակ նաև նկատում են, որ սահմանափակումներն ու տնտեսական խնդիրները խիստ բացասաբար է ազդում գյուղատնտեսության վրա, իսկ մարզում ապրուստի հիմնական միջոցը հենց գյուղատնտեսական աշխատանքներն են ու Ռուսաստանի Դաշնություն արտագնա աշխատանքի մեկնելը։
«Մեր մարզում ապրողների 60 տոկոսից ավելին Ռուսաստան խոպան ա գնում, բայց դե հիմա սահմանները փակել են, մարդիկ առանց աշխատանք, առանց փող տունը նստած են, ի՞նչ անեն․․․ես, օրինակ, հող եմ մշակում, մի քիչ կարտոշկա ու կաղամբ եմ ցանել, որ գոնե դրանով կարողանանք յոլլա գնալ, թե չեն 30 հազար դրամ թոշակ եմ ստանում, ես դրանով հաց առնեմ, դեղ առնեմ, պարարտանյութ առնեմ, թե ինչ անեմ»,- մեզ հետ զրույցում նշեց բնակիչներից մեկը։
Մանրամասները՝ տեսանյութում։
