«Ոմանք ինքնամեկուսացումը օգտագործում են հօգուտ իրենց, զբաղվում են ինքնազարգացմամբ ու ինքնակրթությամբ և ավելի շատ են ստեղծագործում, իսկ ոմանք էլ ընկնում են դեպրեսիվ վիճակների մեջ»,- «Առաջին լրատվական»-ի հետ զրույցում ասաց երգչուհի, հոգեբան էվա Ոսկանյանը:
Անդրադառնալով դիտարկմանը, որ խուճապը վիրուսից ավելի վտանգավոր է, Էվա Ոսկանյանը նշեց, որ մարդիկ անցնում են որոշակի հոգեբանական աստիճաններով, և երբ որ կա վախ մի բանի շուրջ, որին դեռևս լավ չգիտենք, առաջանում է խուճապ, քանի որ անկանխատեսելի է, թե ինչ է դա և ինչ կարելի է իրենից սպասել: Այս հոգեվիճակին հաջորդում է իրավիճակի գիտակցումն ու ընդունումը և մինչև դրան հասնելը, մարդն անցնում է տարբեր փուլեր:
Հայտնի հոգեբան Էլդա Գրինի թոռնուհին՝ Էվա Ոսկանյանը, ֆիզիկական առողջությունից ոչ պակաս կարևորում է նաև հոգեբանական առողջությունը, որի մասին, ըստ նրա, այնքան էլ չի խոսվում: Նրա խոսքով՝ տարբեր հարթակներով անընդհատ հրահանգներ են հնչում, թե ինչպես վնասազերծվել վիրուսից, բայց հոգեբանորեն դեռևս սովոր չենք մեզ վնասազերծել:
«Մենք ճգնաժամ ենք ապրում, և հետճգնաժամային շրջանում որոշակի ժամանակ կպահանջվի, որպեսզի ամեն ինչ ընկնի իր տեղը»,- նշեց մեր զրուցակիցը՝ հավելելով, որ ճգնաժամը նվազագույն կորուստներով հաղթահարելու համար պետք է պահպանել բալանսը՝ չմատնվել խուճապի՝ միևնույն ժամանակ չկորցնելով զգոնությունը:
Էվա Ոսկանյանի կարծիքով՝ կորոնավիրուսի համաճարակով պայմանավորված այս իրավիճակը այն յուրատեսակն մաղն է, որի միջոցով կմաղենք անպետք մարդկանց և անպետք հարաբերությունները:
Մանրամասն՝ տեսանյութում:
