Այսօր՝ փետրվարի 12-ին, Ազգային ժողով-Կառավարություն հարցուպատասխանի ժամանակ «Իմ քայլը» խմբակցության պատգամավոր Բաբկեն Թունյանը անդրադարձավ ապրիլի 5-ին նշանակված սահմանադրական փոփոխությունների հանրաքվեին, այդ հարցի տարբեր շահարկումներին և հարցրեց. «Հանրաքվեն ի՞նչ ազդեցություն կունենա տնտեսական ակտիվության վրա»:
Ի պատասխան վարչապետն ասաց. «Տնտեսության վրա ազդող հիմնական գործոնը ապագայի նկատմամբ ՀՀ քաղաքացիների ունեցած վստահությունն է, իսկ քարոզարշավի ընթացքում քաղաքացիների վստահությունը ապագայի նկատմամբ էլ ավելի կուժեղանա, ինչը նշանակում է, որ տնտեսական ակտիվությունը էլ ավելի կմեծանա: Քարոզարշավը ոչ միայն բացասական ազդեցություն չի ունենա տնտեսության վրա, այլև կունենա աշխուժացնող ազդեցություն: Մենք ընտրում ենք տուրիզմի մի նոր տեսակ՝ ընտրական տուրիզմ»:
Մանրամասները՝ տեսանյութում:
