ՈՒՀԱ-ի «Հայաստանի հավաքականի» խաղացող 25-ամյա Հովիկ Գրիգորյանը մահացել է կոմայի մեջ ընկնելուց մի քանի օր անց: Ակումբի Instagram-օգտահաշվում հաղորդվում է, որ նա մահացել է փետրվարի 1-ին:
«Մենք ընկճված ենք, մտացրիվ: Կապ կհաստատենք ավելի ուշ»,- գրել են «Հայաստանի հավաքականի» մասնակիցները՝ մեկնաբանելով տեղի ունեցածը:
Ավելի վաղ բժիշկները ՈՒՀԱ-ի թիմի անդամի վիճակը ծանր էին գնահատել և պատրաստվում էին վիրահատել Հովիկին: Թիմը Instagram-ում սկսել էր միջոցներ հավաքել բուժման համար և զեկուցում էր արդյունքների մասին:
Գրիգորյանի ինքնազգացողությունը վատացել է հունվարի 8-ին. նրան հոսպիտալացրել են կաթվածով: Հիվանդանոցից դուրս գրվելուց մի քանի օր անց, «Հայաստանի հավաքականի» խաղացողը ընկերների հետ հանգստի ժամանակ կորցրել է գիտակցությունը և ընկել կոմայի մեջ: Նրա մոտ ուղեղի անևրիզմ է ախտորոշվել:
Գրիգորյանը ՈՒՀԱ-ի «Հայաստանի հավաքականի» կազմում ընդգրկվել էր յոթ տարի առաջ:
