«Առաջին լրատվական»-ի RealPolitik հաղորդաշարի հյուրն է ԱԺ ՀՀԿ խմբակցության պատգամավոր Լեռնիկ Ալեքսանյանին:
Շնորհավորում եմ, արդեն մի քանի օր է՝ ԱԺ պատգամավոր եք դարձել: Ձեր կուսակից ընկերներից մեկը` Սամվել Նիկոյանը, իմ հաղորդման հյուրն էր և նշում էր, որ Տիգրան Սարգսյանից հետո փոփոխությունները, որոնք մեկնարկել էին դեռ շաբաթներ առաջ, այսօր արդեն իրողություն են: Իր բնորոշմամբ՝ օլիգոպոլիան, ըստ էության, հաղթեց և դրանով` Հովիկ Աբրահամյանի նշանակմամբ, կարծես նոր իրողություններ են ի հայտ գալիս, դրանք կարծես նաև արդյունավորվում են: Դուք ի՞նչ եք կարծում` այս փոփոխությամբ օլիգարխիայի, ընդհանրապես քրեական տարրերի համար հնարավորություններ բացվո՞ւմ են:
-Ես կարծում եմ, որ վարչապետի պաշտոնը սահմանադրորեն այն պաշտոնը չէ, որ փոխի քաղաքական իրավիճակը, ինչ-որ մարդկանց կամ կառավարության փոփոխությունը:
-Այսինքն՝ Դուք կարծում եք, որ 2005 թվականի նոյեմբերին, երբ փոխվում էր Սահմանադրությունը, և Քոչարյանն իր համար Սահմանադրություն էր կեղծում, այդ վարչապետը ընդունակ չէ քաղաքական…
-Հիմա Սահմանադրություն չի փոփոխվել ընդհանրապես:
-Մենք այդ փոփոխված Սահմանադրության պայմաններում ենք:
-Ե՛վ վարչապետի, և՛ կառավարության ծրագրերը նախագահի նախընտարական ծրագրերն են` կուսակցության և հանրապետության նախագահի: Եվ փոխել ծրագրերը, այսինքն՝ համակարգային փոփոխություններ անել, վարչապետը, կառավարությունը, որոնք գործադիր մարմին են և մեծ քաղաքականություն իրականացնող չեն, ինչը ես չեմ վախենում ասել… նրանցից շատ բան է կախված, բայց քաղաքականություն փոխելը, ծրագրերը փոխելը կուսակցության գործն է: Դա առաջին հերթին հերթին, երկրորդ` …
-Իսկ Քոչարյանի կադրերը կարող են գալ և հանրապետականի…
-Կադրերը նորից ամբողջությամբ վարչապետն ընդամենը առաջարկում է, և Սահմանադրությամբ կադրերը նշանակում է հանրապետության նախագահը: Ուրիշ բան…
–Բայց, պարո՛ն Ալեքսանյան, առաջարկում է Քոչարյանի կադրերին:
-Ես այդկերպ չէի ասի:
-Կարող եք չասել, բայց դա այդպես է:
-Չէ՛, նաև չէի մտածի, որովհետև կադրերը կարող են լինել և՛ Քոչարյանից, և՛ ընդդիմադիր ուժերից, իսկ ի՞նչ է եղել: Այսօր փորձվում է ընտրվել, իմ տեսակետով: Ես այդպես եմ մտածում նաև իրենց ճանաչելով, որովհետև ես բավական վաղուց եմ պատգամավոր, և գիտեմ, ճանաչում եմ այն մարդկանց, որոնք այսօր առաջարկվել են, և չէի ասի, թե դրանք Քոչարյանի կադրերն են, կուսակցության, ՀՀԿ-ի կողմից ժամանակին առաջադրված կադրեր են թերևս, եթե ոչ ամբողջությամբ:
Բոլոր կադրերը ժամանակին Քոչարյանի կողմից հաստատվել են կուսակցության խորհրդի նիստում, դա եղել է կուսակցության համաձայնությամբ: Տարբեր իրավիճակներում ելնելով կադրերի հմտություններից, ունակություններից, անձնական հատկանիշներից…
-Լավ, եթե հաշվի առնենք, որ Հովիկ Աբրահամյանը ևս ունի բիզնեսներ, բիզնես շահեր, կառավարության այլ անդամներ ևս ունեն, ապա սրա առկայությամբ կարելի՞ է պայքարել օլիգոպոլիայի դեմ, օլիգարխների դեմ, օլիգարխները կարո՞ղ են պայքարել իրենց դեմ:
-Խնդիրն այն չէ՝ մարդն ինչ-որ բան ունի՞, թե՞ չէ: Խնդիրն այն է՝ նա զբաղվո՞ւմ է դրանով, թե՞ ոչ, որովհետև եթե մենք Սահմանադրությամբ արգելենք, թե պաշտանական անձը պետք է օրինագծին ասի, որ ինքը կողմ է, արգելենք իր անձնական կարծիքը, կամ որ չափից ավելի ունեցվածք ունենա, բայց ոչ ոք չի արգելում այսօր, որ մարդն ունեցվածք ունենա, այլ խնդիր, թե նա է դրանով զբաղվում, թե մեկ ուրիշը:
Ինչ վերաբերում է Հովիկ Աբրահամյանին, նա սեփականություն ունեցել է դեռևս, երբ պաշտոն չի ունեցել, սկսել է ձեռնարկատիրությունից այն ժամանակ և հիմա չէ, որ հարստացել է:
Հարցազրույցն ամբողջությամբ դիտեք հաղորդման տեսագրությունում:
