Թուրքիայում մեկնարկել է մինչև 16 տարեկանների Օլիմպիադան: Մրցաշարին մասնակցում են 48 թիմեր: Մրցաշարում Հայաստանի պատանեկան հավաքականի կազմում հանդես են գալիս Մամիկոն Ղարիբյանը, Արմեն Բարսեղյանը, Տիգրան Սարգսյանը, Ալբերտ Գևորգյանը և Աստղիկ Գևորգյանը: Համաձայն մրցաշարի կանոնադրության թիմի աղջիկ մասնակիցը պարտադիր պետք է մասնակցի 3 մրցախաղի:
Մրցաշարի առաջին տուրում մեր թիմը անակնկալ պարտություն կրեց Մալայզիայի հավաքականից: Ալբերտ Գևորգյանը հաղթանակ տոնեց, Մամիկոն Ղարիբյանը ոչ-ոքի խաղաց, իսկ Տիգրան Սարգսյանը և Աստղիկ Հակոբյանը պարտվեցին:
Առաջին տուրում այլ անակնկալներ ևս գրանցվեցին. Ռուսաստանը 3-1 հաշվով պարտվեց Թուրքմենստանին, Հունաստանը ոչ-ոքի խաղաց Սլովենիայի հետ, իսկ Սերբիան պարտվեց Թուրքիայի 3-րդ թիմին:
Այսօր տեղի կունենան 2-րդ և 3-րդ տուրերը:
