ԱՄՆ Կալիֆոռնիա նահանգի Իսլա-Վիստա քաղաքում ուսանողների երեկույթը ավարտվել է ծեծկռտուքով. ձերբակալվել է մոտ 100 մարդ, 44-ը հոսպիտալացվել է: Իրավիճակը վերահսկողությունից դուրս է եկել ամենամյա փողոցային «Դելտոպիա» երեկույթի ժամանակ, որին մասնակցել է ավելի քան 15 հազար մարդ: Այս մասին հաղորդում է KTLA հեռուստաալիքը:
Շաբաթ օրը, տեղի ժամանակով ժամը 21:30-ին, անհայտ անձինք ոստիկանի ուղղությամբ ծանր ուսապարկ են նետել՝ լի ալկոհոլային խմիչքներով: Պարեկին օգնելու են նետվել վերջինիս գործընկերները, սկսվել է ծեծկռտուք: Հավաքվածները սկսել են քարեր նետել իրավապահների ուղղությամբ, վնասվել են Սանտա Բարբարա շրջանի շերիֆի օգնականների ավտոմեքենաները:
Արդյունքում իշխանությունները ստիպված են եղել կիրառել արցունքաբեր գազ և օճառի փրփուրով հրշեջ մեքենաներ՝ հավաքվածներին ցրելու համար: Տուժածների թվում են նաև 3 ոստիկանական սպաներ:
