«Մանչեսթեր Սիթի»-ի կիսապաշտպան Սամիր Նասրին հույս ունի, որ իրենք կարող են հասնել անհրաժեշտ արդյունքին Չեմպիոնների լիգայի գավաթի խաղարկության 1/8 եզրափակչի «Բարսելոնա»-ի դեմ պատասխան հանդիպման ժամանակ:
«Կորցնելու ոչինչ չունենք: Մենք պետք է հարձակվելու նպատակով դուրս գանք խաղադաշտ և ճնշենք մրցակցին: «Բասրելոնա»-ն թիմ է, որը սիրում է գնդակ պահել և չի սիրում պաշտպանվել: Նրանք չեն հարմարվել դրան, այնպես որ մենք շանսեր կունենանք,- Նասրիի խոսքերն է մեջբերում SkySports-ը:
Առաջին խաղում մենք նրանց համար ավելի շատ խնդիրներ ստեղծեցինք՝ չնայած 10 հոգով խաղալուն: Երբ նրանք առջևում էին հաշվի մեջ, կորցնելու ոչինչ չունեինք և որոշեցինք նրանց վրա ճնշում գործադրել: Դրանից հետո «Բարսելոնա»-ն սկսեց կորցնել գնդակը, սկսեց նահանջել: Հենց այդպիսի խաղ է մեզ հարկավոր «Կամպ Նոու»-ում»:
