Գիտնականները նշել են, որ կենդանիների հուղարկավորությունը կարող է դառնալ վտանգավոր վիրուսի տարածման պատճառ: Նրանք նաև տեղեկացրել են, որ RVHD2 շտամը փոխանցվում է մարդկանց կոշիկների, թռչունների և ավտոմեքենայի անվադողերի միջոցով: Փորձագետների կարծիքով, վերջերս ճագար պահելը դարձել է շատ սիրված զբաղմունք։ Այս սիրուն արարածները իրենց շատ ուշադրություն չեն պահանջում և քիչ տեղ են զբաղեցնում։ Այնուամենայնիվ, այդ կենդանիները ապրում են ընդամենը 7-8 տարի, իսկ դրանից հետո տանտերերը կազմակերպում են հուղարկավորություն `կենդանու հիշատակը հարգելու համար: Պարզվում է՝ դա կարող է նպաստել վտանգավոր վիրուսի տարածմանը: Հետազոտողները նշում են, որ մեր ժամանակներում ավելի ու ավելի շատ նապաստակներ կարող են վարակված լինել վտանգավոր հիվանդությամբ՝ այսպես կոչված, RVHD2 շտամով: Ամենավատն այն է, որ սեփականատերը չի էլ կռահում կենդանու հիվանդության մասին, քանի որ նրանց մոտ որևէ ախտանիշ չի նկատվում։ Միայն որոշ դեպքերում կենդանիները կարող են ներքին արյունահոսություն ունենալ: Վարակի առաջին դեպքը արձանագրվել է Միացյալ Նահանգներում՝ 6 տարի առաջ։
Անասնաբույժ Ռիչարդ Սանդերսը կարծում է, որ տերերը սատկած կենդանու դիակը տրամադրեն հետազոտության՝ հիվանդության տարածումը կանխելու համար: Բժիշկը նաև ասել է, որ ժամանակին պատվաստումը կարող է կենդանիների փրկել վաղաժամ մահից:
