Ֆրանսիական Վերնոն քաղաքի մոտ գտնվող Ժիվերնի համայնքում վարձով է տրվում հայտնի նկարիչ Կլոդ Մոնեին նախկինում պատկանող առանձնատունը: Առանձնատան նկարագրությունը տեղադրված է Airbnb կայքում։
Առանձնատունը, որը ստացել է «Երկնագույն տուն» անվանումը, նախատեսված է 6 հյուրերի կեցության համար։ Սեփականատերը այնտեղ մնալու 1 օրը գնահատել է 225 դոլար։ Տանը կա 3 ննջարան, 4 մահճակալ, 3 լոգարան։ Ավտոկյանատեղին անվճար է, կա Wi-Fi, հեռուստացույց, վարսահարդարիչ, լվացքի մեքենա։
«Տունը տեղակայված է Կլոդ Մոնեի գյուղի՝ Ժիվերնիի սրտում, այն պատկանել է նկարչին։ Տան շուրջն այգի է 1500 քմ ընդհանուր մակերեսով։ Բնակլի տարածքը 200 քմ է։ Տունը վերանորոգվել է 2016թ․, կահավորված է ժամանակակից և անտիկվար կահույքով։ Կատարյալ է զույգերի, միայնակ ճամփորդողների, բիզնես զբոսաշրջիկների և ընտանիքների համար»,- ասվում է հայտարարության մեջ։
