Երևանի «Փյունիկ» ֆուտբոլային ակումբը կբողոքարկի ՀՖՖ որակազրկման մասին որոշումը:
Ըստ «Փյունիկ» ֆուտբոլային ակումբի սեփականատեր Արթուր Սողոմոնյանի ՀՖՖ-ի Կարգապահական կոմիտեի կազմն ընտրվել է ֆեդերացիայի նախկին նախագահ Ռուբեն Հայրապետյանի կողմից եւ մինչեւ օրս որոշումները կայացվում են նրա սկզբունքներով:
Հայաստանի ֆուտբոլի ֆեդերացիայի կարգապահական կոմիտեի որոշմամբ՝ Երեւանի «Փյունիկի» գլխավոր մարզիչ Անդրեյ Տալալաեւը որակազրկվել է մինչեւ 2019 թ. մայիսի 31-ը: Բարձրագույն խմբի առաջնության «Փյունիկ»-«Գանձասար-Կապան» խաղում մրցավարի օգնականին հայհոյելու համար «Փյունիկի» գլխավոր մարզիչ Անդրեյ Տալալաևը հեռացվել է տեխնիկական գոտուց: Ռուս մասնագետը որակազրկվել է մինչև 2019 թվականի մայիսի 31-ը, իսկ ակումբը տուգանվել է 125 հազար դրամով:
