Չինաստանի Կոմունիստական կուսակցության տվյալներով՝ 2013 թվականին 182 հազար չինացի պաշտոնյա կատարել է կարգապահական խախտում: Ցուցանիշը 13.3 տոկոսով գերազանցում է 2012-ի արդյունքները: Այս մասին ասվում է կուսակցության՝ կարգապահական ստուգման հարցերով կենտրոնական հանձնաժողովի զեկույցում:
Փաստաթղթում ընդգծվում է, որ դեպքերի մեծ մասում (մոտ 150 հազար) Չինաստանի Կոմկուսը սահմանափակվել է կարգապահական տույժերով: Եվս 48.9 հազար պաշտոնյաներ ենթարկվել են վարչական պատասխանատվության:
Չինաստանում իրականացվում է հակակոռուպցիոն արշավ, որը սկսվել է ղեկավարների «5-րդ սերնդի» իշխանության գալուց հետո՝ նախագահ Սի Ցզինպինի գլխավորությամբ:
