«Կովկաս» ինստիտուտի տնօրեն, քաղաքագետ Ալեքսանդր Իսկանդարյանը կարծում է, որ հայ-ռուսական հարաբերություններում կան խնդիրներ, և Ռուսաստանը կարող է ձեռնարկել կտրուկ քայլեր:
«Այդ քայլերը կարող են լինել ամենատարբեր ոլորտներում՝ ռազմական համագործակցության՝ ինչպես Հայաստանի, այնպես էլ Ադրբեջանի մասով, Ղարաբաղյան հարցում ազդեցության։ Այն, որ վերջին 3-4 ամսվա ընթացքում լուրջ էսկալացիաներ չկան, Ռուսաստանի ներդրումը մեծ է, գազի գներ և ընդհանրապես՝ Հայաստանի հետ տնտեսական համագործակցությունը»,- «Առաջին լրատվական»-ի հետ զրույցում ասաց նա։
Քաղաքագետը շարունակում է. «Դա այնքան էլ լավ չեն գիտակցում ֆեյսբուքյան անալիտիկայի ու քաղաքագիտության ներկայացուցիչները, շատ անլուրջ բաներ են գրվում այդ առումով, օրինակ՝ նշում են, որ կարելի է փոխարինել Հնդկաստանով և այլն։
Բայց իրավիճակը շատ հասկանալի է. իհարկե դա հասկանում են Հայաստանի էլիտայում, երևում է նաև վարչապետի պահվածքում։ Ռուսաստանի հետ աշխատելը հեշտ չէ, բայց մտածել, որ Ռուսաստանի հետ աշխատանքը կարող է սահմանափակվել միայն նախագահի հետ հանդիպումով, մեթոդոլոգիապես ճիշտ չէ»,- նկատեց Իսկանդարյանը։
Նրա դիտարկմամբ՝ մենք հիմա ստանում ենք ազդակներ, որոնք պետք է ընդունենք որպես նախազգուշացում. «Առայժմ դրանք նախազգուշացումներ են։ Այն, որ Ռուսաստանում անհանգիստ են այստեղ տեղի ունեցող իրադարձություններով, դա հստակ է»։
Հարցազրույցն ամբողջությամբ՝ տեսանյութում:
