Այսօր կառավարության շենքի դիմաց կրկին բողոքի ակցիա էին իրականացնում բանակում խաղաղ պայմաններում զոհված զինծառայողների ծնողները:
«Իմ էրեխուն սպանել են․ Հարցաքննեք Հայկազ Բաղմանյանին ու վիժվածք գեներալներին»,-«Առաջին լրատվական»-ի հետ զրույցում ասաց կառավարության դիմաց ակցիա իրականացնող սևազգեստ մայրերից Գոհար Սարգսյանը:Լ
Հիշեցնենք, որ Գոհար Սարգսյանի որդին՝ Տիգրան Օհանջյանը, 2007թ. օգոստոսի 30-ին՝ 22:45-ի սահմաններում, զորամասի կապի հանգույցի մոտ հպվելով ռադիոռելեային կայանը պահող ձգալարին՝ էլեկտրահարվել է և տեղում մահացել: Տիկին Գոհարը տարիներ շարունակ պնդում է, որ որդուն սպանել են, ապացույցներ կան:
Սևազգեստ մայրերը պնդեցին, որ քանի կենդանի են, չեն թողնելու, որ պաշտոնյաները մարսեն, քթներից են բերելու այն, որ իրենց որդիների սպանության գործերը փակուղում են:
