Լոնդոնը հրաժարվում է ընդունել իրավաբանորեն պարտավորեցնող համաձայնագիրը՝ գլոբալ տաքացման պատճառով վնասների փոխհատուցման մասին՝ հայտնում է BBC-ի ռուսական ծառայությունը:
Վարշավայում անցկացվող ՄԱԿ-ի կլիմայական հարցերով համաժողովին Բրիտանիայի էներգետիկայի նախարար Էդ Դեյվին հայտարարել է, որ արդարացի և խելամիտ չի համարում զարգացած երկրներին ստիպել փոխհատուցել այն վնասը, որը իբր պատճառել են զարգացող երկրները կլիմայի փոփոխությունների հետևանքով:
ՄԱԿ-ում կարծում են, որ հարուստ երկրները պետք է օգնեն աղքատներին՝ հաղթահարելու կլիմայի փոփոխության հետևանքները, ինչպիսին է ծովի մակարդակի բարձրացումը, փոթորիկների ուժգնացումն ու երաշտը:
Բրիտանիան ու մի շարք այլ զարգացած երկրներ հայտարարում են, որ իրենք պատասխանատվություն չեն կրում գլոբալ տաքացման համար:
