Հազվագյուտ հիվանդության պատճառով, որով տառապում է միլիոնից մեկը, 22-ամյա Լիզի Թենին Հայլենդից, վերակառուցել է իր կյանքն այնպես, որպեսզի իր հիմնական ուղեկիցները դառնան լուսինն ու աստղերը։
Բժիշկները աղջկա հիվանդության մասին գլխի են ընկել միայն երբ նա արդեն 12 տարեկան է եղել, չնայած որ վաղ մանկությունից երեխայի մոտ հիվանդության ախտանշաններ են եղել։ Հինգ տարիների ընթացքում բժիշկները չէին կարողանում ճիշտ ախտորոշում անել։ Նրա վիճակը տարեցտարի ավելի էր վատանում։ Եվ միայն, երբ աղջիկը 12 տարեկան է արդեն եղել, բժիշկը կարողացել է վերջապես հասկանալ, թե ինչից են աղջկա մաշկի վրայի բշտիկներն ու բազմաթիվ վերքերը։ Նրան մոտ քաղցկեղ ախտորոշեցին։ «Ցավոք, պիգմենտային քսերոդերման այնքան հազվագյուտ հիվանդություն է, որ շատ մասնագետներ պարզապես չգիտեն դրա մասին»,– ասում է մաշկաբան Շերիլ Լի Էբերթինգը։
Բացի բարդ բուժման կուրսից և մաշկի 43 վիրահատություններից, աղջիկը ստիպված է եղել նաև փոխել իր կենսակերպը։ Ցերեկները նա քնում է, իսկ գիշերը՝ ապրում։ Նա կատակով ասում է, որ վամպիր է դարձել։
Նրա սենյակի վարագույրներն ավելի մգացել են, իսկ զբոսանքները կարճացել։ Եթե նա դուրս է գալիս ցերեկային ժամերին, ապա միայն արևապաշտպան քսուկով և թափանցիկ պարկանման անձրևանոցով, որը ծածկում է նրա ամբողջ մարմինը։
«Հիվանդությանս պատճառով սկսել եմ սիրել գիշերը։ Հիմա ես քայլում եմ գիշերը, ապրում եմ գիշերներով, հիանում եմ աստղային երկնքով և լուսինով։ Հիմա նրանք իմ արևներն են»,– պատմում է Լիզին։
