Առողջապահության համաշխարհային կազմակերպության փորձագետներն ահազանգում են քաղաքացիական պատերազմի մեջ գտնվող Սիրիայում բռնկված պոլիոմելիտի կապակցությամբ: ITAR-TASS-ը հաղորդում է, որ երկրի հյուսիս-արևելքում գտնվող Դեյր-էլ-Զոր քաղաքում, այսպես, կոչված, թույլ կաթվածից մահացել են մինչև 2 տարեկան 13 երեխա:
Արաբական հանրապետությունում գրանցվել է վարակի ավելի քան 20 դեպք: Վիրուսի գենետիկ անալիզը ցույց է տվել, որ այն ծագել է Պակիստանից: Պոլիոմելիտին նման շտամ հայտնաբերվել է նաև Եգիպտոսում և Իսրայելում:
Սիրիայում այս հիվանդությունը չի արձանագրվել 1999-ից ի վեր, և այժմ հիվանդության տարածումը մասնագետներն ուղղակիորեն կապում են ռազմական գործողությունների հետ:
Հիվանդությամբ վարակվելու վտանգի են ենթարկված հատկապես մինչև 5 տարեկան երեխաները: ՅՈՒՆԻՍԵՖ-ը և ԱՀԿ-ն համաճարակի և այլ ծանր հիվանդությունների դեմ պատրաստում են պատվաստել առնվազն 20 մլն երեխաների՝ ինչպես Սիրիայում, այնպես էլ Մերձավոր Արևելքի այլ երկրներում:
