Արցախի Հանրապետության Մեխակավան (Ջաբրայիլ) շրջանում ծառայող զինվորներն իրենց առօրյան զինվորական պարտականությունները կատարելուց զատ՝ անցկացնում են նաև ազգագրական երգեր երգելով ու նվագելով։
«Առաջին լրատվական»-ի հետ զրույցում զինծառայողները վստահեցրին՝ մարտական ոգին բարձր է, ռազմական պատրաստվածությունը՝ գերազանց։
«Բանակը մեզ շատ բան է տվել․ 2 տարվա ընթացքում ձեռք եմ բերել բազմաթիվ լավ ընկերներ, սպայական անձնակազմի հետ մեր փոխհարաբերություններն են շատ լավ, ֆիզիկապես եմ նաև շատ կոփվել, միակ դժվարությունը՝ կարոտն է, որ տանից այսքան հեռու ենք, մեր տանեցիներին, հարազատներին ենք կարոտում, բայց դե բան չմնաց՝ 22 ամիս է արդեն, որ ծառայում եմ և շատ շուտով արդեն կզորացրվեմ»,- ասաց զինվորներից մեկը։
«Շատ եմ ծնողներիս կարոտել, ամենաշատը՝ մամային եմ կարոտել, բայց նրանց համբերություն եմ մաղթում, թող հանգիստ լինեն, այստեղ ամեն ինչ նորմալ է, հանգիստ է, բան չմնաց՝ 2 ամսից կզորացրվեմ, կհասնեմ իրանց։ Ծառայողական կյանքը մեզ շատ բան է սովորեցրել, ինչը քաղաքացիական կյանքում էլ մեզ շատ պետք կգա»,- իր հերթին հավելեց մեկ այլ զինվոր։
Մանրամասները՝ տեսանյութում։
