«Հայաստանում բազմաթիվ նման մարդիկ կան, ասում են՝ այո՛, ձեր արածի համար ձեզ պետք է սատկացնել, ինչո՞ւ քրեական գործ չեն հարուցում։ Թե՞ ինչ-որ խաղ կա, ինչ-որ բան են ուզում՝ Ամերիկային քցելու համար ռուսներին խոսելու շանս են տալիս»,- «Առաջին լրատվական»-ի հետ զրույցում ասաց ՀՀ կալանավայրերի վարչության նախկին պետ Մուշեղ Սաղաթելյանը՝ անդրադառնալով ԱԱԾ-ի այն հայտարարությանը, թե Հայաստանում ահաբեկչություն կազմակերպելու կասկածանքով հետախուզվում է ԱՄՆ քաղաքացի Ռ. Ք.-ն։
Մեր այն դիտարկմանը, թե Հոկտեմբերի 27-ից առաջ էլ ԱԱԾ-ն ուշադրություն չէր դարձել Նաիրի Հունանյանի՝ Վազգեն Սարգսյանին սպանելու վերաբերյալ աջուձախ արած հայտարարություններին, Մուշեղ Սաղաթելյանն արձագանքեց. «Հենց Հոկտեմբերի 27-ի ամենամեծ մեղսագործը ԱԱԾ-ն է, օպերատիվ ծառայությունը, որն ինֆորմացիա ուներ, որ Վազգեն Սարգսյանին ցանկացել են սպանել ու քրգործ չի հարուցել։ Նա ձեր ցանկացածին էր ուզում սպանել՝ թույլ տվեցիք, իսկ հիմա՞, մարդը, որ նման գործողությունների հնարավորություն էլ չունի՝ հետախուզում եք հայտարարում։ Հոկտեմբերի 27-ի մասով՝ Վազգեն Սարգսյանի հետ կապված բազմաթիվ նյութեր կան, 1-2 դեպք է կանխվել, այդ ո՞նց եղավ որ չկանխվեց»։
Մուշեղ Սաղաթելյանը դեմ է զենքով իշխանափոխության հնարավորությանը. «Ընտրությունները միակ ելքն է, արյունով իշխանություն հնարավոր չէ, որ արդար լինի։ Պետք է այնպես անել, որ քաղաքական ճանապարհով հնարավոր լինի»։
Հարցազրույցն ամբողջությամբ՝ տեսանյութում։
