2009 թ. 26-ամյա Լենա Մաքալլիսթերը բրիտանական Քարլայլից սարսափելի ավտովթարի է ենթարկվել՝ կորցրել է ավտոմեքենայի կառավարումը և բախվել է պատնեշի, հետո նրան բեռնատար է վրաերթի ենթարկել: Հաջորդ 10 ամիսներին Լենան հիվանդանոցում է անցկացրել: Բժիշկները փրկել են նրա կյանքը, բայց նա ընդմիշտ գամված է մնացել հաշմանդամի սայլակին: Աղջկա համար դժվար է եղել իր նոր վիճակին համակերպվելը, իսկ նրա այն ժամանակվա ընկերը կրակի վրա յուղ է լցրել կպչուն մեկնաբանությամբ, հայտնում է Life-ը:
«Նա ասաց, որ ես միայն կեսն եմ աղջկա, որը վթարից առաջ էի: Դա ինձ տապալեց, ես նույնիսկ դադարեցի դիմահարդարվել և հագնվել կնոջ նման»:
Ժամանակի ընթացքում աղջիկը համակերպվել է իր հաշմանդամությանը և հասկացել է, որ սայլակը չպետք է լիարժեք կյանքից հրաժարվելու պատճառ լինի: 2016 թ. Լենան իրեն մարտահրավեր է նետել և մասնակցել է «Միսս Կամբրիա» մրցույթին՝ ցույց տալու համար, որ «հաշմանդամությունը կարող է գրավիչ լինել, սպիները գեղեցիկ են, իսկ կյանքը չի վերջանում»:
Հիմա Լենան որոշել է կարիերայով զբաղվել և մոդել դառնալ Models of Diversity կազմակերպության օգնությամբ, որը հանդես է գալիս հօգուտ բազմազանության նորաձևության և գեղեցկության ոլորտում: Աղջիկը համոզված է, որ դա ոչ միայն կաջակցի իրեն, այլև ուրիշերին կօգնի գիտակցել, որ հաշմանդամությունը կյանքի վերջը չէ:
«Ինձնից շատ ժամանակ պահանջվեց նորից ինձ գտնելու, սպիները և հաշմանդամությունն ընդունելու համար, բայց հիմա ես սիրում եմ կյանքը նույնքան ուժեղ, որքան նախքան ոտքերս օգտագործելու հնարավորությունը կորցնելը»,- ասում է Լենան:
