ԱՄՆ նախագահ Դոնալդ Թրամփի գործունեության հավանության վարկանիշը նվազել է՝ հասնելով 36 տոկոսի։ Այս արդյունքը դարձել է նրա ղեկավարման ընթացքում ամենացածրը։ Անցած ամիս հավանության վարկանիշը եղել է 37 տոկոս մակարդակի վրա։
Նոր հարցման տվյալների համաձայն՝ ԱՄՆ քաղաքացիների 58 տոկոսը բացասաբար է գնահատում ԱՄՆ 45-րդ նախագահի գործունեությունը, հայտնում է CNN-ը։
Դրա հետ մեկտեղ նշվում է, որ այդքան ցածր վարկանիշը չի դարձել ամենացածրն ամերիկացի նախագահների համար։ Մասնավորապես, 2008 թվականին Ջորջ Բուշ-կրտսերի գործունեությանը հավանություն է տվել հարցվածների 24 տոկոսը։
Անցած շաբաթ Վաշինգտոնում Ամերիկյան համալսարանի պրոֆեսոր Ալան Լիխտմանը, ով անցած աշնանը կանխատեսել էր Թրամփի հաղթանակը, հանդես է եկել նրա մոտալուտ իմփիչմենթի մասին կանխատեսմամբ։ Նա կարծում է, որ դա տեղի կունենա հաջորդ տարվա գարնանը։ Պրոֆեսորը 30 տարի անսխալ կանխագուշակել է նախագահական ընտրությունների արդյունքները։
