Լալելին (Ստամբուլի առևտրային շրջան) երեք տարի առաջ ունեցել է 6 մլրդ դոլար ծավալով մաքոքային առևտուր, սակայն այժմ շրջանառությունը կիսով չափ ընկել է։ Այժմ զբոսաշրջիկները գնումներ կատարում են հաճախ, սակայն փոքր ծավալներով։ Այս մասին Sözcü-ում գրում է Սայիմե Բաշչին։
Առևտրի ծավալը նվազել է Ռուսաստանում շարունակվող տնտեսական ճգնաժամի ազդեցության ներքո։ Լալելիի Արդյունաբերողների և ձեռնարկատերերի ասոցացիայի ղեկավար Գիասեթին Էյուպկոջան ուշադրություն է դարձրել այն բանի վրա, որ երկու երկրների հարաբերություններում քաղաքական լարվածությունը հաղթահարվել է, սակայն Ռուսաստանում պահպանվում է տնտեսական ճգնաժամը։ Նա նշել է, որ մատակարարների մոտ առևտրային ցիկլը նորմալացել է, սակայն բյուջեները՝ նվազել։
Էյուպկոջայի խոսքով՝ անցած տարի Լալելիում, որտեղ առկա է 4000 առևտրի կետ, առևտրի ծավալը կազմել է 2.5 մլրդ դոլար։ Եվ եթե 2012 թվականին Նորաձևության և շոփինգի փառատոնի շրջանակում Լալելին կնքել էր 12 մլն դոլարի գործարք, ապա այս տարի փառատոնը կկայանա 5 մլն դոլարի սպասումով։
Փառատոնի շրջանակում, որն այս տարի կանցկացվի օգոստոսի 7-13-ը, ծրագրվում է ընդունել 8 երկրից 250 մասնակցի։
Ռուս հաճախորդների գնումների ծավալը նվազել է մինչև 60 տոկոս։ Լալելիի արտահանումն ընկել է՝ հասնելով 2.5 մլրդ դոլարի։
Էյուպկոջան, ուշադրություն դարձնելով այն բանի վրա, որ 2017 թվականը լավ է սկսվել, և առևտրում գրանցվել է 25-30 տոկոս աճ, պատմել է ընթացիկ տարին 30 տոկոս աճով փակելու նպատակի մասին։ Նա նշել է, որ փառատոնը, որն այս տարի կանցկացվից «Լալելի՝առևտրի ոսկե բանալի» կարգախոսի ներքո, դոպինգի էֆեկտ կթողնի շուկայում։
«Շնորհիվ ազդեցության, որը կստեղծի փառատոնը, մենք կվերադառնանք նախկին փառավոր ժամանակներ։ Այս տարի որոշում են ընդունել 8 երկրներ։ Նրանք էական ներդրում կանեն և՛ Լալելիի առևտրում, և՛ տնտեսությունում»,-ասել է նա։ Մասնակցության են հրավիրվել մանրածախ առևտրի այն ներկայացուցիչները, ովքեր գոնե 10 խանութ ունեն։ Փառատոնին կմասնակցեն 250 գնորդներ ՌԴ-ից, Իրանից, Լեհաստանից, Ռումինիայից, Սերբիայից, Նիգերիայից, Լիբանանից, Կամերունից։
