Ռուսաստանի Դաշնության նախագահ Վլադիմիր Պուտինը հայտարարել է, որ դեռ չի որոշել՝ կլքի՞ պաշտոնը, թե՞ ոչ: Այս մասին հայտնում է korrespondent.net-ը։
«Ես դեռ չեմ որոշել»,- ասել է նա Սոչիում երեխաների ու դեռահասների հետ հանդիպմանը՝ պատասխանելով հարցին։
Պուտինն ասել է, որ քաղաքական գործունեությամբ կարելի է զբաղվել նաև նախագահական պարտականությունների շրջանակներից դուրս՝ ընդգծելով, որ գոյություն ունեն հասարակական կազմակերպություններ, որոնց գործունեությունն իրեն հետաքրքիր է։
Իսկ հարցին, թե կցանկանա՞ր մեկ օրով «իր վրայից գցել նախագահի պաշտոնի ծանր բեռը», նա պատասխանել է. «Ես ինձ սովորական մարդ եմ համարում՝ չնայած իմ աշխատանքն այդպիսին չես անվանի։ Ես իմ գրաֆիկն այնպես եմ կազմում, որպեսզի ժամանակ մնա ստեղծագործական զարգացման, երաժշտություն լսելու, սպորտով զբաղվելու, ընկերների հետ շփվելու համար։ Ես սովորել եմ այդպես ապրելուն մինչ նախագահ դառնալը»։
Հիշեցնենք. 2018 թվականին սպասվում են ՌԴ նախագահական ընտրություններ ։
