Ժնևում միջսիրիական բանակցությունների հերթական՝ 6-րդ ռաունդն ավարտվել է։ Այն շարունակվել է ընդամենը 4 օր՝ մայիսի 16-19-ը։ Բանակցությունները նվիրված են եղել Սիրիայի հարցով ՄԱԿ-ի գլխավոր քարտուղարի հատուկ դեսպանորդ Ստաֆան դե Միստուրայի նախաձեռնության քննարկմանը, որը վերաբերում է սահմանադրական և իրավական հարցերով փորձագիտական խորհրդակցությունների մեխանիզմի ստեղծմանը։ Այս մասին հայտնում է TASS գործակալությունը։
Արդյունքում այդ մեխանիզմը հաջողվել է համաձայնեցնել և գործարկել, սակայն նրա հետագա նշանակությունը բանակցային գործընթացի համար մնում է պարզ ոչ մինչև վերջ։ Կարգավորման սկբունքային հարցերով կառավարությունն ու ընդդիմությունը մնում են նույնքան հեռու միմյանցից, որքան առաջ։
Խորհրդակցությունների հաջորդ ռաունդը ենթադրաբար կկայանա հունիսին։
