Ապրիլի 2-ին կայացած խորհրդարանական ընտրությունները, բնական է, առանց խախտումների չեն ընթացել: Հենց ապրիլի 2-ին ՀՅԴ-ի կողմից ԿԸՀ էր ներկայացվել դիմում-բողոք Արագածոտնի մարզի Փարպի համայնքում ընտրախախտումների վերաբերյալ:
ԿԸՀ-ից Yerkir.am-ին հայտնել են, որ դիմումը վերահասցեագրման կարգով ներկայացվել է թիվ 17 տարածքային ընտրական հանձնաժողով, որը, դիմումը քննելով, կայացրել է որոշում` անվավեր ճանաչել Արագածոտնի մարզի Փարպի համայնքի թիվ 17/21 ընտրական տեղամասում քվեարկության արդյունքները, իսկ վարույթով ձեռք բերված նյութերն ուղարկվել են դատախազություն:
Հիշեցնենք, որ ապրիլի 2-ին ՀՅԴ ԳՄ ներկայացուցիչ Աղվան Վարդանյանն իր ճեպազրույցում, անդրադառնալով Փարպիում ստեղծված իրավիճակին հայտարարել էր, որ Փարպիում քաշքշոցներ, տեղամասերում խառնաշփոթ և ակնհայտ բաց քվեարկություն ու ուղղորդումներ են գրանցվել:
Մանրամասները՝ սկզբնաղբյուր կայքում
Լուսանկարը՝ Panorama.am-ի
