ՀԱԿ խմբակցության պատգամավոր Նիկոլ Փաշինյանն այսօր ԱԺ Պետաիրավական հարցերի հանձնաժողովի նիստում ներկայացրեց մի նախագիծը, որով առաջարկում է ԱԺ-ում ստեղծել բարձրաստիճան պաշտոնատար անձանց և նրանց հետ փոխկապակցված անձանց եկամուտների ձևավորման աղբյուրները և գույքային վիճակը ուսումնասիրող ԱԺ ժամանակավոր հանձնաժողով:
Նիկոլ Փաշինյանն իր ելույթում անդրադարձավ նաև վերջին շրջանում շրջանառվող լուրերին, թե ինքը իշխանական է: Դիմելով իշխանության ներկայացուցիչներին՝ Փաշինյանը նշեց. «Սերժ Սարգսյանը երևի հատուկ «ուստանովկա» է տվել, որ ամեն անգամ, երբ ես խոսում եմ, հիշատակեք, որ ինչ-որ մարդիկ ինձ կապում են իշխանությունների հետ: Ձեզ հե՞տ են կապում: Մարդը առանց ակնոցի նույնիսկ կարող է նայի և տեսնի՝ ի՞նչ կապ կարող է լինել իմ և ձեր միջև: Եվ ընդհանրապես դա ձեր՝ իշխանության ամենալավ գնահատականն է, որ մեկին երբ դուք ուզում եք վատություն անեք, ասում եք՝ գիտես, իշխանության հետ սա կապված է:
Այսինքն՝ ձեր իշխանությունը նմանվում է բորոտի կամ ինչ-որ սուր վիրուսային հիվանդություն տարածող մեկի՝ հեռու մնացեք իրենցից: Սա ձեր իշխանության ամենամեծ գնահատականն է: Եվ եթե իմ դեմքին ուշադիր նայեք, կտեսնեք, որ ես բորոտության ոչ մի սիմպտոմ չունեմ»:
Մանրամասները` տեսանյութում:
