Apple-ն իր անձնակազմի մեջ է ընդունել Ջեյ Բլանիկին, ով հայտնի է ֆիթնես էլեկտրոնիկայի մշակմամբ: Ավելի վաղ Բլանիկը համագործակցում էր Nike-ի հետ: Ամենայն հավանականությամբ, նա կդառնա iWatch «խելացի» ժամացույցների ստեղծման նախագծի գլխավոր դերակատարներից մեկը:
Բլանիկի ամենամեծ ձեռքբերումը Nike-ում եղել է FuelBand թևնոցի ստեղծումը, որը կարողանում է վերահսկել օգտատիրոջ այրած կալորիաների չափը և այդ տվյալները փոխանցել iOS-սարքավորմանը:
Ամենայն հավանականությամբ, Apple-ը մեծ ջանքեր է ներդնում iWatch-ի մշակման համար: Ավելի վաղ ընկերությունն իր մոտ աշխատանքի էր հրավիրել. Yves Saint Laurent նորաձևության տան դիզայներ Փոլ Դենևին: Ընկերությունն արդեն գրանցել է iWatch-ը Ճապոնիայում և այլ երկրներում, բայց սպասվում է, որ Samsung-ն իր նմանատիպ ժամացույցներն ավելի վաղ կթողարկի, քան Apple-ը:
