50-ամյա ֆերմեր Ջենիֆեր Քինգը՝ Հյուսիսային Կառոլինայից, YouTube-ի աստղ է դարձել իր հիանալի մարզավիճակի շնորհիվ։ Չնայած պատկառելի տարիքին՝ կինն ուղղակի հիանալի կազմվածք ունի։
Ջենիֆերը YouTube-ում ունի ավելի քան 155 հազար բաժանորդագրված հետևորդ, որոնց, ինչպես նաև իր մարզումների շնորհիվ տարեկան վաստակում է շուրջ 100 հազար դոլար։
«Ծերությունն ու մահը մեր կյանքի բնական փուլերից է, բայց ես ուզում եմ մտածել, որ ես անում եմ ամեն ինչ՝ հնարավորինս երկար ապրելու համար»,-ասել է նա։
50-ամյա կնոջ գեղեցկության գաղտնիքը ծանր իրեր բարձրացնելն է, ինչպես մարզասրահում, այնպես էլ տանը։ Նա նաև ասել է, որ ուտում է ձկնեղեն, բանջարեղեն և խուսափում է պահածոյացված սննդամթերքից։ Ջենիֆերի խոսքով՝ իր գեղեցկության գրավականը մարզումները և ճիշտ սննունդն են։
