ՀԱԿ-ի ցուցակը խորհրդարանական ընտրություններին կգլխավորի ՀՀ առաջին նախագահ, կուսակցության ղեկավար Լևոն Տեր-Պետրոսյանը: Այս մասին այսօր ԱԺ ճեպազրույցների ժամին հավաստիացրեց ԱԺ ՀԱԿ խմբակցության ղեկավար Լևոն Զուրաբյանը:
2013թ-ին նախագահական ընտրություններին Լևոն Տեր-Պետրոսյանը հայտարարել էր, թե իր տարիքը խոչընդոտում առաջադրվելու համար։ Հարցին, թե արդյո՞ք այս դեպքում չի խանգարի, Լևոն Զուրաբյանը պատասխանեց, որ դա չի կարող խոչընդոտ հանդիսանալ, քանի որ այն ժամանակ նախագահ դառնալու մասին էր խոսքը. «Բայց հիմա այլ հարց է, խոչընդոտ չեմ տեսնում»:
Ընտրություններին դաշինքով գնալու դեպքում նույնպե՞ս Լևոն Տեր-Պետրոսյանը կգլխավորի ցուցակը. այս հարցին ի պատասխան Լևոն Զուրաբյանը նշեց. «Բանակցություններ հնարավոր են դաշինքների համար, բայց չեմ կարծում, որ ավելի լավ թեկնածու ինչ-որ մեկը կարող է առաջադրել՝ ցուցակը գլխավորելու համար»:
Մանրամասները՝ տեսանյութում:
