Տյուբինգենի համալսարանից գերմանացի հնագետները հայտնաբերել են Իրաքի հյուսիսում բրոնզեդարյան խոշոր քաղաքի հետքեր։ Այս մասին ասվում է համալսարանի տարածած հաղորդագրությունում։
Պեղումներն անցկացվել են 2016 թվականի օգոստոս-հոկտեմբեր ամիսներին Իրաքյան Քրդստանի Դահուկ քաղաքի մոտ, Մոսուլից ընդամենը 60 կմ հյուսիս և ԴԱԻՇ-ի բազայից 45կմ հեռու։ Պարզվել է, որ քաղաքը հիմնադրվել է մ.թ.ա մոտ 3000 թվականին և գոյություն ունեցել ավելի քան 1200 տարի։ Բացի այդ, հայտնաբերվել են Աքքադյան կայսրության (համարվում է առաջին կայսրությունը մարդկության պատմության մեջ) դարաշրջանի բնակավայրերի մնացորդներ։
Պեղումների ժամանակ հայտնաբերվել են կավե ցուցանակների հատվածներ, որոնք պատրաստվել են մ.թ.ա 1300 թվականին, ինչը վկայում է այդ վայրերում Ադադա տաճարի գոյության մասին։ Ադադան շումերա-աքքադյան առասպելաբանության մեջ բքի, քամու, կայծակի, ամպրոպի և անձրևի աստվածն է։
«Մեր աշխատակիցների անվտանգությունը վեր է ամեն ինչից։ Չնայած ԴԱԻՇ-ին աշխարհագրորեն մոտ լինելուն՝ անվտանգությունն ու կայունությունն Իրաքյան Քրդստանում մնում է բարձր մակարդակի վրա»,-պարզաբանել է պեղումների ղեկավար Փիթեր Պֆալցները։
