Հայաստանի Հանրապետության կառավարությունն չի գնահատել Ամուլսարի ոսկու հանքավայրի շահագործման էկոլոգիական հետևանքները, ռիսկերը հաշվի չեն առնվել և չեն գնահատվել. այս մասին «Առաջին լրատվական»- ի հետ զրույցում ահազանգեց «ԷկոԼուր» ՀԿ ղեկավար Ինգա Զառաֆյան:
Նրա խոսքով՝ «Լիդիան Արմենիա» ընկերությունը փաստաթղթերի փաթեթում որոշակի ռիսկերի անդրադարձել է, սակայն այդ ռիսկերը գնահատված չեն:
Ամուլսարի շահագործման դեպքում վտանգվելու են մեր հայրենիքի քաղցրահամ ջրերի ռազմավարական պաշարներն ու հանքային բուժիչ ջրերով հայտնի Ջերմուկ առողջարանային քաղաքը, Գնդեվազը գյուղը: Կաղտոտվեն Արփա- Որոտան ավազանի մայրական աղբյուրները, ինչպես նաև երկու խոշոր ջրամբարների՝ Կեչուտի և Սպանդարյանի ջրերը, դա ազդեցություն կթողնի նաև Սևանի վրա, այսինքն՝ ռիսկերը շատ ծանր են, և դրանք ընդհանրապես գնահատված չեն, ներկայացված են միայն ոսկու և արծաթի պաշարները: Այս մասին ահազանգում է Ինգա Զառաֆյանը:
Նրա խոսքով՝ քաղաքական գործիչների և երկու խոշոր կազմակերպությունների՝ Վերակառուցման և զարգացման եվրոպական բանկի և Միջազգային ֆինանսական կորպորացիայի կողմից լոբբինգ է իրականացվել, և կառավարության կողմից, համաձայնության արդյունքում, քաղաքական որոշում է կայացվել:
Կառավարության ծրագրով նախատեսված է Բնապահպանության նախարարությանը կից ՊՕԱԿ-ների փակում, Ինգա Զառաֆյանի կարծիքով՝ այդ ՊՕԱԿ-ների փակումը դեկլարատիվ հայտարարություն է. «Նախ պետք է գնահատական տալ՝ դրանք արդյունավետ են աշխատում թե ոչ, ինչ կարելի է անել, որպեսզի արդյունավետ աշխատեն, հետո նոր որոշում կայացնել»:
Մանրամասները՝ տեսանյութում:
