Deutsche Welle-ի փոխանցմամբ՝ Բեռլինում բացել են այն բունկերի կրկնօրինակ-թանգարանը, որում ինքնասպանությունից առաջ կյանքի վերջին ամիսներն է անցկացրել Ադոլֆ Հիտլերը։
Նոր բունկերը գտնվում է Հիտլերի փաստացի բունկերից մոտ երկու կիլոմետր հեռավորության վրա և ներկայացնում է այն տիրույթի վերակառուցված տարբերակը, ուր 1945 թվականի ապրիլի 30-ին ինքնասպանություն է գործել Հիտլերը։
Նոր բունկերը նույնպես ունի ռմբապաստարան՝ նախատեսված 3500 մարդու համար, թեև պատերազմի վերջում Հիտլերի բունկերի ռմբապաստարանում պատսպարվել է 12.000 մարդ։
Վերստեղծվել են այն բոլոր սենյակները, ուր ապրել են Հիտլերն ու նրա օգնականները, ինչպես նաև կահույքն ու իրերը, որոնցից օգտվել են նրանք։
