Կուտակված հարցերի «կրիտիկական զանգված»-ը Բելառուսի մոտ առաջացնում է մտահոգություններ ԱՊՀ-ի և ԵվրԱզԷՍ-ի հեռանկարների վերաբերյալ։ Այս մասին հայտարարել է Բելառուսի նախագահ Ալեքսանդր Լուկաշենկոն ԱՊՀ-ի և ԵվրԱզԷՍ-ի կառավարական պատվիրակությունների ղեկավարների հետ հանդիպմանը։
«Մեր երկրներում գնալով ուժեղանում է հիմնավորված քննադատությունը՝ կապված ինչպես ինտեգրացման զարգացման տեմպերի, այնպես էլ պրակտիկ արդյունքների հետ․․․ Կուտակված հարցերի կրիտիկական զանգվածը Բելառուսի մոտ առաջացնում է մտահոգություններ ոչ միայն ԱՊՀ-ի, այլև ԵվրԱզԷՍ-ի հեռանկարների վերաբերյալ»,-ասել է նախագահը։
Նախագահը միևնույն ժամանակ համոզմունք է հայտնել, որ Մինսկի հանդիպումները թույլ կտան գտնել առկա խնդիրների լուծման ուղիներ, մասնավորապես տնտեսության ոլորտում։ Նրա խոսքով՝ «դեռևս իրավիճակն ուրախալի չէ»։
«Շատ հաճախ մենք երկար դոփում ենք նույն տեղում։ Որպես օրինակ կարող եմ բերել առևտրի ոլորտում սահմանափակումների, արգելքների վերացումն է»,-հավելել է նախագահը։
