Բրիտանական Reuters լրատվական գործակալության փոխանցմամբ՝ ԱՄՆ Կոնգրեսի Ներկայացուցիչների պալատը նոյեմբերի երկրորդ կեսին քննարկելու է Իրանի հանդեպ պատժամիջոցների մասին օրենքի գործունեության ժամկետի երկարաձգման հարցը։
Այդ մասին հայտնել են ԱՄՆ Կոնգրեսում լրատվամիջոցի աղբյուրները։ Նրանց տվյալներով՝ խոսքն օրենսդրական գործունեությունը 10 տարով երակարաձգելու մասին է։
Ընդգծվում է, որ նոր տարբերակը, որը գտնվում է Ներկայացուցիչների պալատի քննարկման ներքո, նման է ներկայիս տարբերակին, որի ժամկետը սպառվում է դեկտեմբերի 31-ին։
Հաղորդվում է, որ փաստաթուղթը ըստ ամենայնի կընդունվի ԱՄՆ Ներկայացուցիչների պալատի կողմից, սակայն այն կարող է մերժվել Սենատում։ Այդ տարբերակի դեմ է արտահայտվում նաև Սպիտակ տունը։ Ներկայացուցիչների պալատն այդ օրինագիծը դիտարկելու է նոյեմբերի 14-ին։
