ԱԺ ՀՀԿ խմբակցության պատգամավոր Հակոբ Հակոբյանը «Առաջին լրատվական»- ի հետ զրույցում անդրադառնալով հարցին, թե ինչ հույսեր և սպասումներ ունի՝ կապված նոր կառավարության ծրագրից և արդյո՞ք իրատեսական է վեց ամսվա ընթացքում էական փոփոխություններ ակնկալելը, նշեց, որ այս պահին ոչ ոք չի կարող ճիշտ մեկնաբանություն անել: «Բայց ես, որպես մարդ, որը մոտ է կանգնած բիզնեսին, գործարարությանը, հույս ունեմ, որ ծրագրի մեծ մասը կիրականանա: Դեռևս վաղ է պատասխանել այն հարցին, թե գործարարների համար նոր ռիսկեր կան թե ոչ»:
Հակոբ Հակոբյանն ընդգծեց, որ քանի որ վարչապետը նոր է նշանակվել, պետք է ժամանակ տալ նրան աշխատելու, ոչ թե արդեն սկսել քարկոծել:
Հ. Հակոբյանի դիտարկմամբ՝ Հայաստանը ո՛չ Ռուսաստանի վրա պետք է հույս դնի, ո՛չ էլ Արևմուտքի. «Բայց ավելի շատ Ռուսաստանի հետ պետք է շփվի: Մենք շատ տեսակի արտադրանքներ ունենք, որոնք չենք կարող եվրոպական շուկա արտահանել այն ծավալներով, որքան որ ՌԴ է ուղարկվում: Քանի դեռ այդպես է, իրավունք չունենք հրաժարվել ռուսական շուկայից: Վատ բաներ պետք չէ ասել ո՛չ Ռուսաստանի, ո՛չ էլ Արևմուտքի վերաբերյալ: Խելոք գառը երկու մոր կաթ է ուտում. խելոք պիտի լինենք և ինչքան հնարավոր է օգուտ քաղենք որտեղից որ կարող ենք»:
Մանրամասները՝ տեսանյութում:
