«Մանչեսթեր Յունայթեդ»-ի գլխավոր մարզիչ Ժոզե Մոուրինյոն մեկնաբանել է կիսապաշտպան Պոլ Պոգբայի հասցեին հնչող քննադատությունները: Մասնագետը նշել է, որ ֆրանսիացի ֆուտբոլիստը պետք է մոռանա այն գումարի մասին, որ «կարմիր սատանաներ»-ը վճարել են նրա տրանսֆերի դիմաց:
«Ֆուտբոլի պատմության մեջ ամենաթանկարժեք տրանսֆերն ունեցող ֆուտբոլիստը միշտ ուշադրության կենտրոնում է: Սակայն ես ցանկանում եմ, որ Պոգբան մոռանա իր տրանսֆերի արժեքի մասին:
Պոգբան մասնակցել է Եվրոպայի առաջնությանը, բաց է թողել նախամրցաշրջանային մարզումները: Նորմալ է, որ այժմ նրա խաղում անկում է նկատվում: Վստահում եմ Պոլին և գիտեմ, որ շուտով նա կլինի պատշաճ մարզավիճակում»,- BBC Sport-ը մեջբերում է Մոուրինյոյի խոսքերը:
