«Համայնքն է ստիպում, որ թեկնածությունս դնեմ, օգոստոսի 28-ից մինչև սեպտեմբերի 2-ը պետք է փաստաթղթերը ներկայացնեմ,- «Առաջին լրատվական»- ի հետ զրույցում ասաց Գառնի գյուղի բնակչուհի Արուսյակ Այվազյանը, ով մասնակցելու է Գառնիի համայնքապետի ընտրություններին:
Նրա խոսքով՝ շատ հրատապ է Գառնիի խմելու ջրի, ոռոգման ջրի հարցը և սոցիալական անապահով խավին օգնելու հարցը լուծելը: «Քաղցրաշենի դեպքերից հետո նույնիսկ արտերկրից են զանգահարել, իրենց պատրաստակամությունն են հայտնել օգնելու, որ համայնքում գործարան կամ արտադարամաս կառուցվի, ներգրավվեն սոցիալապես անապահով մարդիկ: Պետք է այնպես անել, որ մարդիկ պատվով ապրեն, իրենց քրիտինքով վաստակեն»,- նշեց Ա.Այվազյանը:
Ընտրվելու դեպքում մարզպետի և վարչապետի հետ աշխատանքն ինչպե՞ս եք պատկերացնում՝ հաշվի առնելով նաև Գառնիում ծավալած պայքարի ժամանակահատվածում ծագած կոնֆլիկտները. այս հարցին ի պատասխան՝ Ա. Այվազյանը նշեց. «Ես դա կոնֆլիկտ չեմ համարում, մենք շահեր չենք հետապնդել, միայն հայրենիքի համար էր պայքարը: Նրանք էլ հասակացան, որի չի կարելի ոչնչացնել բնաշխարհը: Չեմ կարծում, որ կխոչընդոտեն»:
Մանրամասները՝ տեսանյութում:
